"අනූව දශකයේ දී මෙරට පුවත්පත් කලාවේ ඇති වූ විප්ලවීය පරිවර්තනයට හේතු වූයේ ටැබ්ලොයිඩ් පුවත්පත් කලාව ජාතික යැයි සම්මත පුවත්පත් කලාවට වැද්දා ගැනීම ය. එය එක් අතකින් විප්ලවීය පරිවර්තනයකි. අනෙක් අතින් අභියෝගාත්මක පියවරකි. පුවත්පත් කලාවේ අලුත් හැඩයක් නිර්මාණය කිරීමටත්, පුවත්පත් කර්මාන්තයේ හැරවුම් ලක්‍ෂයක් සනිටුහන් කිරීමටත් ටැබ්ලොයිඩ් පුවත්පත් කලාව සමත් විය." (පුණ්‍යානුමෝදනාව, අජන්ත කුමාර අගලකඩ )
"ටැබ්ලොයිඩ් යන වචනයට හුරු සිංහල වචනයක් භාවිතයේ සොයා ගැනීම අසීරු නමුදු, එම යෙදුම නූතන ලෝකයේ මෙතරම් ම ප්‍රචලිත, ජන ජීවිතයට සමාන වදනක් වේ යැයි එම යෙදුම 1880 දශකයේ අගභාගයේ දී ලෝකයාට හඳුන්වා දුන් ලන්ඩන් නුවර බරොව්ස් ඇන්ඩ් වෙල්කම් ඖෂධ සමාගම සිහිනෙන්වත් නො සිතන්නට ඇත. සම්පිණ්ඩනය කොට තැනූ බෙහෙත් පෙති වර්ග ටැබ්ලොයිඩ් යන නමින් ඔවුන් වෙළෙඳපොළට නිකුත් කළ අතර, එය පුවත්පත් ප්‍රභේදයකට ආදේශ වූයේ 20 වැනි ශත වර්ෂය ආරම්භයේදී ය." (පෙරවදන, ඩලස් අලහප්පෙරුම)
ප්‍රකාශනය : K & S පබ්ලිකේෂන්
පළමු මුද්‍රණය : 2020
මිල රුපියල් 350/=
( සුප්‍රි සමරසිංහ)
No comments:
Post a Comment